Thursday, April 24, 2008

সাংস্কৃতায়নঃ খাল্করানির দিক কতহান

‘সংস্কৃতি’ শব্দ এহান আমি হুনে থাইলেও ‘সাংস্কৃতায়ন’ শব্দ এহার লগে হবা করে ফাং নাইসি। কিন্তু আমার সংস্কৃতিৎ ‘সাংস্কৃতায়ন’ খাল্করানির বিষয় আহান। ‘সাংস্কৃতায়ন’ বিষয় অহান হবা করে হারপানি চেইলে ‘সংস্কৃতি’ অহানই হবা করে হারপানি থক।
এলা, নাসা, নাটক, গান, কুমেই এতারে আমি সংস্কৃতি বুলিয়া নিঙ্কররাং। প্রাচ্যর যে ভাববাদি সংস্কৃতি আহান আমি পালরাং অহানে আমারে এসাদে হিকাদের। কিন্তু সংস্কৃতি বিষয় অহানরে চাং অহান সোজা করিয়া খাল্করলে নাইতয় কিয়া বুল্লে সংস্কৃতি ইলতায় গোষ্ঠী আকিহার জীবনর পদ্ধতিহান যেহান জনম্তো জনম দরিয়া মানুয়ে তাঙর আপা বপার সুত্রনো পেইতারা।
মার্কসীয় ধারণাৎ, সমাজর যে মল ঋড়ঁহফধঃরড়হ আহান আছে (ঊপড়হড়সরপ ঋড়ঁহফধঃরড়হ ড়ভ ঝড়পরড়ঃু) অহার লগে তাল মিলিয়া কামদুম, রীতি-নীতি, আইন-কানুন, চিšা-চেতনার যে আরাক ঋড়ঁহফধঃরড়হ আহান থার অহানই সংস্কৃতিহান। তাঁর মতে, সংস্কৃতির লগে অর্থনৈতিক ব্যবস্থার দাঙর স¤žর্ক আহান আছে। আসলে অর্থনৈতিক ব্যবস্থা হানই সংস্কৃতিরে দিক দের।
আরাক দিক আহান্দেত মাতানি একরের, মানু তাঙর হিনদুখ থেই- করানির কাজে যে কামদুম করতারা বার রীতি-নীতির চাল করতারা অতায় তাঙর সংস্কৃতি।
কোন সমাজর সাংস্কৃতিক উপাদান অতা আরাক সমাজর মানুয়ে নেনার প্রক্রিয়া অহানই সাংস্কৃতায়ন। কোন গোষ্ঠীর সংস্কৃতির গজে আরাক গোষ্ঠীর সংস্কৃতির প্রভাব হানই সাংস্কৃতায়ন। শিল্প বিপ্লব বার যাতায়াত ব্যবস্থা হবা অনার কারণে মানু আজি ঘরর কুনাৎ বহিয়া নেই। জীবনর তাগিদেই নিকুল্লা পৃথিবীর হাবি বারাদে। ফলে বিভিন্ন জাগাৎ আর আর গোষ্ঠীর লগে ফাংনা ইলা মানু। তাঙি আরাক গোষ্ঠীর জীবনর পদ্ধতি, আদর্শ, কলাকৌশলনো প্রভাবিত ইলা। যেতা তাঙরাং হবা লাগিল অতা নিজে পারলা বার নিজর সমাজে আহিয়া চল করলা। বার এসাদেই সাংস্কৃতায়ন অর। কিন্তু এরে সাংস্কৃতায়ন অহান আমার সংস্কৃতিৎ সংকট করের তানা কিতা খাল্করানি থক্।
সাংস্কৃতায়ন ঔপাগায় সংকট করের যেপাগা মানু নিজর সমাজর আর্থ-সামাজিক বার সাংস্কৃতিক প্রোপট না খাল্করিয়া কানার সাদে অন্য সমাজর সংস্কৃতি ধার করতারা।
খানি দিল্ত ইলেউ প্রাশ্চাত্যর সংস্কৃতির প্রভাব হান আমি হবা করে আমার সমাজে দেখরাং। প্রশ্ন থনা একরের মিডিয়ার এরে যুগ অহাৎ প্রাশ্চাত্যর ভোগবাদী সংস্কৃতি অহান আমারাং কিহান চার? বাঙালীর আধিপত্য আমারে কোন ফাঁদে বেলানি চার?
আবুল হায়াতর স্ট্যান্ডার্ড লুঙ্গি, ডিপজলর গুড়া মসলা বার শাহর€খ খানর পেপসির অ্যাডভারটাইজ অতাৎ মিল্লেং দেনার পিসে খানি খাল্করলে হারপানি একরের তাঙর কামহান বাজার হঙ্করানি। আমার দেশিয় বাজার (নিজস্ব সাংস্কৃতিক বাজার) হানরে মিডিয়ার মাধ্যমে নিমর্ল করিয়া তাঙর বাজারে আমারে ভোক্তা হঙ্করানি। দেশিয় বাজার মাঙুইলে কিহান অর অহান আমি মাহাÍা গান্ধীর অসহযোগ আন্দোলনে হারপিলাং। দেশিয় মাল ব্যবহার করানির কাজে ব্রিত্রিশ শাসনর বির€দ্ধে তার অসহযোগ আন্দোলনর কাজে তারে ৬ বছর জেলে দেনা ইসিল। জেলে থাইতে তা নুরি পাকদানির কা জতর আহার আবেদন করিসিল। কিয়া কুল্লে নিজরতা যেতা আছে অতা বাজারে না নিকাল্লে, নিজে যেতা পাররাং অতা নাকরলে অর্থনৈতিক মুক্তি নার।
পাহাতি লাহিঙর বদলা আমার সমাজে লুঙ্গি বার মেক্সির চল আহান ইয়া আহের। লুঙ্গি বা মেক্সি পিদানির আগে আমারতা খাল্করানি থক- আমার স্বজাতীয় আগর র€জির পথহান বন্ধ করে দিয়া উপাস থানার উদুং দুয়া পথহান তারে/তেইরে দিলাং তানা কিতা? সামাজিক দায়বদ্ধতার কারণেই আমারতা এতা খাল্করানি থক।
বার্থ ডে, ম্যারিজ ডে পালন করানি এতা আমার সংস্কৃতিৎ নেই। এতা প্রাশ্চাত্যের সংস্কৃতি। প্রাশ্চাত্যে এতা অনার কারণ আহান আছে। মধ্যযুগে ইউর€পর শিল্প বিপ্লবর পিসে পৃথিবীর পুরান ধ্যান ধারণা বাগিয়া মুনির সাদে জেলাউ রোজগার করানির কা ঘরর বাইরে নিকুল্লা। আমার সমাজে আমি ঘরর (ঋধসরষু) যে গরনহান (চধঃবৎহ) দেখরাং অহান অদিন তাঙর সমাজে বাগেসিল। লেরিক বাঙাদেনা, ফুতি বুলানি, খেত করানি, নুয়ারা পানি ইলে সেবা দেনা বার রোজগারর যে কেন্দ্রগ ঘরগ (ঋধসরষু) আসিল, তার কাম অতা বাগিয়া নিলাগা আর আর সংগঠনে। স্কুল, কলেজ, মন্দির, হাসপাতাল, কলকারখানা এসাদে বেজান উদাহরণ আছে।
পারিবারিক জীবনে অদিন তাঙর সমাজে যে বিŽিছন্নতা অহান আসিল অহারই ফলহান বার্থ ডে, ম্যারিজ ডে পালন করানি......। আমি আমার ধ্যান ধারণাৎ প্রাশ্চ্যর যে সংস্কৃতিহান পালরাং অহান ভাববাদীহান। কুমেই পার্বনর মেলনো আমি এপাগাউ এক ইয়া আছি। আমার ঘরর ধরণহান (ঋধসরষু ঢ়ধঃবৎহ) এপাগাউ তাঙর সাদে না বাগিসে। এতার বিপে মাত্তে গেলেগা যুক্তি আহের- সংস্কৃতি বিষয় অহানই ঈযধহমধনষব, ংযধৎবফ, ধফধঢ়ঃবফ। উল্টা যুক্তি দেনা একরের- আগ-পিস না খাল্করিয়া নিজরে বদলানিৎ গেলেগা, শেয়ার করাৎ গেলেগা নিজর অ¯িত্ব হানরই সংকটে পড়তয়। সংস্কৃতি অহান ঈযধহমধনষব বার ংযধৎবফ বুলিয়ায় আমি মাত্তাঙায়হান- অন্যর সংস্কৃতি ধার করানির আগে আমারতা খাল্করানি থক এহান আসলেই আমার কাজে দরকারীহান?
রাসে, লহঙে, পজাৎ আজিকালি মদর জমজমা আড্ডা দেখরাং। মর অভিজ্ঞতাৎ আছে- এ সমাজর মানু প্রাশ্চাত্যর ভিসাহান পেইলে ডাক্তার গিরি, প্রফেসার গিরি বেলিয়া হোটেলে কাম করাত সালুইতারা। [কামনো উদাহরণ দেনার কারণহান- অর্থনৈতিক ব্যবস্থাহান কিসারে সামাজিক মল্যবোধ বাগের অহান হারপানির কাজে। আমি অর্থনৈতিকভাবে কতিহান বাগিয়া পড়িসি হারপানির কাজে। কোন কামরে হেয় করানি বা অন্য কোন উদ্দেশ্যে নাবে]
- অর্থনৈতিকভাবে দুর্বল এরে জাতি অহাৎ এতার চল করানির দরকার কিহান?
- তাঙর যুক্তিহান- বছর আহাত্ত বছর আহাৎ আহের দিন অতাৎ ফুর্তি করানি থক।
- তাঙরে মাতানি একরের, ফুর্তি করানি আহিলে তোর বনকরে দাদে তোর মাতাল বন্ধুগরাং। তি আনগা তার বনক। নেশানো ফুর্তি করেই তুমি।
কিন্তু আপত্তি উঠের। আপত্তি কিয়া?
- এহান ইলে সমাজর অবয় ইতয়।
- মদপিলে সমাজর অবয় নার?
অবয়ের দায়বারেত মুক্তি পানা চেইলে আমারতা হারপানি থক-
আদিত আমার আপা বপায় যে যে প্রথা রীতি-নীতি, মালামাল ব্যবহার করিসি অতারে আমি আমার সংস্কৃতি বুলিয়া পালরাং বার আমি আজি যেতা কররাং অতারে সংস্কৃতি বুলিয়া পালতায় আমার পরবর্তী প্রজন্ম। অহান্ন আমার চাল-চলনে প্রজন্মর কথা খাল্করিয়া ঠিক করানি থক। সাংস্কৃতিক উপাদান গ্রহণ বর্জন করানি থক। নাইলে সমাজের অবয়রকা আমি তাঙরাং দায়ী থাইতাঙায়।
ব্যক্তিগতভাবে রাস করানির হিড়িক আহান আমার সমাজে পরে আহের। কিন্তু আগে রাসর নির্দিষ্ট গন্ডি আগ আসিল। রাস উৎপত্তির ইতিহাসহান চেইক। রাস পইলা করিসিলতা মহারাজা ভাগ্যচন্দ্রয়। অহান্ন রাসর বিতরে আমি রাজকীয় ঢং আহান দেখরাং। যে সমাজে মাত্র ৬ দশক আগে জেলায় ব্লাউজ বার মুনিয়ে পাহাতি পিদানি নুয়ারেসিলা (নাপাসিলা) ঔ সমাজে দুই শতাব্দী আগে রাসর জাকজমক বেশ অহান রাসর রাজকীয়তার প্রমাণ দের, নির্দিষ্ট গন্ডি আগৎ চল থানার ইঙ্গিৎ দের।
কিন্তু সামš ব্যবস্থা (ঋবঁফধষরংস) বাগানির পিসে মহারাজা ভাগ্যচন্দ্রর পতন ইলে অহান আরতা নির্দিষ্ট গন্ডি আগর বিতরে নাথাইল। ভাগ্যচন্দ্রয় ব্যক্তিগতভাবে রাস করিসে বুলিয়া আমারতা ব্যক্তিগতভাবে রাস করানির কোন যুক্তি নেই। ভাগ্যচন্দ্র যে অর্থনৈতিক কাঠামোগৎ থায়া রাসর ফং দিল, ঔ কাঠামো অগৎ আমি নিজরে কল্পনাউ করে নুয়াররাং। সার্বজনীন রাসপর্নিমা আহানই কি আমার কাজে হাবিত্ত হবা নার?
-থাক।
নানা কারণে অন্য সমাজর সংস্কৃতির প্রভাব আমার সমাজে তীব্রভাবে পড়িসে। আগদে আমার গজে ব্রিত্রিশ শাসন, আগদে পাক শাসন বার স্বাধীনতার পিসে বাঙালীর আধিপত্যে বাঙালী সাজানির মানসিকতা, যোগাযোগ ব্যবস্থার হবা অনা, কৃষির ত্রে বাগিয়া বহুমুখী কাম করানি বার প্রযুক্তির ব্যবহার আমার সমাজে সাংস্কৃতায়নর দাঙর কারণ। সাংস্কৃতায়ন খারাপহান নাবে। এহার কারণেই জেলা নিকুল্লা ঘরর বাহিরে। অর্থনৈতিকভাবে স্বনির্ভর অনার হুয়াৎহান পানা অকরলা তাঙি। এহার কারণেই আমি লেরিক তা¤žরানি হারপিলাং, জীবনর হাবিবারাদে সচেতন ইলাং। কিন্তু না খাল্করিয়া অন্য সমাজর সংস্কৃতি ধার করলে অহান আমার নিজর সংস্কৃতিরে সংকট করে তুলতয়। কিয়া বুল্লে অন্য সমাজর সংস্কৃতির উপাদান ধার করানির লগে লগে তার কাজে ফালু আহান দেনা লাগতয়- আমারে নিজস্ব সংস্কৃতি আহানরে উঠুয়া দিয়া। সন্দেহ নেই, সংস্কৃতির এরে মিশ্রণ যেসারে আমার সংস্কৃতিরে পুল করতয় ঠিক অসারে বাগিয়া থইতয় আমার সমাজর উৎপাদন ব্যবস্থা। খানি সচেতন ইয়া খেয়াল করলে ইতিহাসেত এহার পে হাজার হাজার প্রমাণ পানা একরের।


লেখিকাঃ প্রভাতী সিনহা

1 comment:

সুশান্ত কর said...

বিষ্ণূপ্রিয়া ভাষা সম্পর্কে সন্ধান করতে গিয়ে এই ব্লগের খোঁজ পেলাম। ভাষাটি আমার মাতৃভাষা না হলেও পড়ে বেশ বুঝতে পারছিলাম। এবং সমৃদ্ধ হচ্ছিলাম। কিন্তু ব্লগে আর এখন লেখা হচ্ছে না কেন, ভেবে হতাশ হলাম। লিখতে থাকুন।