বিষ্ণুপ্রিয়া- জাতর পত্রিকা ও লেখ্যভাষা নিকালানি সম্বন্ধে

[ ১৯৩৯ সনে প্রকাশিত "মণিপুরী" পত্রিকাত্ত হুবহু ... ]

স্বজাতিরাং নিবেদন : বিষ্ণুপ্রিয়া- জাতর পত্রিকা ও লেখ্যভাষা নিকালানি সম্বন্ধে

আজি কতদিন ইল আমরা বিষ্ণুপ্রিয়া জাত এখান ঘুম্খান ভাগিয়া উঠে আহিতারা। আমার জাত এখানরে উন্নত করানির নানা উপায় খালকরানি অকরলা। জাত এখানর উন্নতি করানি মনেইতারা গিরি গিথানি অতায় সভা সমিতি করিয়া লের্প্কতারা কথা অখান কামখান্ করিয়া দেখানির কাজে চেষ্টাও করতারা কিন্তু আমার গাং দেশর সর্দ্দার, মুক্তিয়ার বামন, বুঝনে তানোর বাপক বপাকে চলেছি চলন ওখান বেলিয়া আরাক্ নোওয়া সভ্যচলন কিতা আখান্ চালানি না র্কতারা। *** আমার জাত এখান্ এবাকাপেয়া উন্নত ইয়া **। *** আমার সমাজ এখানাত্ সংস্কার বিরোধী **, বামনর প্রাধান্য মিয়াম ইয়া আছে। অতায়া দেশর জাতর উন্নতি করানি মনেইলেতে তাপ্ করে তাপ্ করে সমাজে সভ্য চাল-চলন অতা চালানির চেষ্টা করানি থকিছে। জোরজবরদ¯ি করিয়া অতা চালানির চেষ্টা করলেতে সমাজে অতা চালা নোওয়ারতাঙাই। আমি সমাজে যেতা যেতা চালানি মনেআর অতা যুক্তিতর্ক দেখেইয়া তানোরে হবাকরে বুঝানি থকিছে। তানো হবা খানহে বুলিয়া ওখান্ য়্যাকরলেতে হিন্ না পেইয়া অতা আমার সমাজে চলতই।
আজি কালি আমার জাত এহানর ডাঙরিয়া গিরি গিথানি এতায় আমার জাতর পত্রিকা নিকালানি, জাতীয় ভান্ডার বহানি, গাঙে গাঙে সমিতি গঠন করানি, বিষ্ণুপ্রিয়া ঠারখানর উন্নতি করানি, রাজারগাং মাদয়গাং তিলকরানি এবং সমাজর চাল-চলন ফিজেৎ কিতা, খানি আক্তা বদলানি এতারে জাতর উন্নতির উপায়খানবুলিয়া নিংকর তারা। এতা হাবির মাঝে মোর নিজর মতেতে জাতর পত্রিকা নিকালানি এখান হাবির গজে বুলিয়া নিংকর€রি। আর বাকী অতা হাবিতে এখানর সাহায্যন সহজে করে পারতাঙাই। সংবাদপত্র এখানাত্ নানা রকম বিষয় আলোচনা ঐতৈ। পত্রিকা খানাত্ ইকরতায় বিষয় অতার হবা হবানেই আলোচনা করিয়া মনেইতাঙাই ওখান্ সমাজে চালানির চেষ্টা করতাঙাই। গৃহস্থি করানি নানা দরকারী জিনিষ হংকরানি এত হাবির বিষয়ে জাতর পত্রিকা খানাত্ আলোচনা করানি য়্যাকরতৈ। ওসাদে করলেতে জাত এখানর মিয়াম উন্নতি ঐতৈ কিতা পারা সজ্জন আগই দেশর গাঙর, দশগোর হবার কাজে যেখান আখান করানি বা মাতানি মনেইলে ওখান পত্রিকা খানাত্ ইকরিয়া যে সাদে সহজে দেশে বিদেশে হারপুয়া পারতৈ আরতা কিত্তানও ওসাদে নোওয়াতৈ। তার কথা ওখানর প্রতিবাদ করানি মনেইলেও পত্রিকা খানাত্ ইকরিয়া করে পারতাঙাই। অখাত্তবুরি ওগর কথা ওখান আজি কালিকা আমার সমাজর উপযুক্ত ইছে নাইছে ওখান হাবিয়ে খালকরতাঙাই। এখান ছাড়াও পত্রিকা আখান নিকুললে আমি ঘরে বহিয়া আমার বিদেশর সাকেই বেইবুনির মাঝে কোংগ আগ বিপদ আখান পড়লে হারপানি পারতাঙাই। তার দুঃখ অখান কক্কবরানির কাজে চেষ্টাও করতাঙাই। এসাদে করলেতে **** এখান একতা বদ্ধ ইতায়। রাজারগাং ***** বহানি, এলা লেরিক কিতা লেংকরিয়া ভাষার উন্নতি করানি, সমিতি করিয়া এসাদে সমাজর কানাপা বিষয় হাবি পত্রিকা ওখানাত তুলানি অতায়া পত্রিকা আখান নিকালানি থকিছে। খানি আগে জাগরণ বুলিয়া পত্রিকা আখান নিকুলেছিল ওখান আমার জাত এখানে সাহায্য না করতে ডেমিগত ভাগিয়া গেলগা। আমার জাত এখানরে আর্য্য জাতি বুলিয়া প্রতিপন্ন করানি মনেইলেতে হাবিয়ে গ্রাহক ইয়া পত্রিকা এখানর সাহায্য করানি থকিছে। আমার জাত এখান সংখ্যায় নিয়ামকম। গাংখান লেখে পাঁচ ছয়গ গ্রাহক নাইলেতে এখানও জাগরণ খানর সাথে মাঙৈতৈ। ওখান নাইলেতে গাঙর সমিতির ভান্ডারেও খানি খানি সাহায্য করিয়া পত্রিকা এখান চালিক। পত্রিকা এখান মোর মতেতে বিষ্ণুপ্রিয়া ঠারল ইকরলে হবাইব বুলিয়া নিং করৌরি। বাঙ্গালান ইকরানি দিলেতে আমার ঠার এখানতে অভ্যাস নেইতা আর হাবিয়ও বাঙ্গালান লেখতাই, ঠারখানর উন্নতিও নাইতৈ। যেমন মালক বাপক নেই ছৌগরতা জিংতা অনার আশা কম অসাদে ধর্ম্ম খান ঠারখান্ নেই সমাজ ওখান্ও সংসার খানাত্ টিকিয়া থানা নোওয়ার তারা। ধর্ম্মখান জাতর বাপক্গ; ধর্ম্মখাত্ত সমাজখান জনম্অর; রাওঅর।
ঠারখান সমাজর মালকগ। ঠারখান থাইলে সমাজ ওখান স্বতš জাত আখান বুলিয়া স্থায়ী ইয়া খার ও উন্নত ও অর। ধর্ম্মখান ঠারখান নেইলেতে আমার জাত এখান আছে বুলিয়া পরিচয় দিয়া নোয়ারতাঙাই। অতায়া বিষ্ণুপ্রিয়াঠার খানর উন্নতি করানি থকিছে। আমার বিষ্ণুপ্রিয়া ঠার এখান সংস্কৃত বাঙ্গালা ও আসামী ভাষার লগে মিল আছে। বিষ্ণুপ্রিয়া ভাষা এখানও অন্যান্য আর্য্য ভাষার সাদে সংস্কৃত শব্দ ভরিয়া উন্নত করানি য়্যাকরতৈ। আমার রাজার গং মাদয় গাং শাখা দ্বিয় খানর ঠার, খানি খানি তঙাল। সিলেট, নোয়াখালী, ঢাকা, কলিকাতাবাসী বাঙ্গালী এতার কথাভাষা তঙাল ইয়াও তানো এক ইয়া আছি। আমার তাও ঠার দ্বিয় খান তিল করলেতে আমার ঠারখানর শব্দরাশি ও মিয়াম ঐতৈ। অতায়া আমার ঠার দ্বিয় খান তিল করিয়া সংস্কৃত শব্দ প্রয়োগ করিয়া, যথাসম্ভব অনার্য শব্দ অতা বেলিয়া, লেখ্যভাষা আখান হংকরিয়া আমার ঠার এখানর উন্নতির চেষ্টা করিক। **** এখান অস¤žর্ণ খান। অখানন আমি মনর ভাব খান প্রকাশ ***** প্রবন্ধ এখানাত্মি ঠার দ্বিয়খান তিল করানির চেষ্টা করলু। প্রবন্ধ এখান লেখিয়া উভয় জাতিরে বুঝানির চেষ্টা করতে গা ভাবখান প্রকাশ না থাইলেও ভুল ভ্রাšিথা থাইলেও জাতর বেয়ক্ গ বুলিয়া মা করে দিয়াং।

নিবেদক- শ্রী দয়াময় সিংহ
স¤žাদক, তিলকপুর যুবক সমিতি, ভানুগাছ।

বিঃ দ্রঃ- এই প্রবন্ধের প্রায় সম¯ ক্রিয়াই মাদয় গাং ভাষায় লিখিত হইয়াছে এবং অন্যান্য স্থলে উভয় ভাষা হইতে শব্দ গ্রহণ করা হইয়াছে।

জাতীয় সমস্যা ( ১৯৩৯ খ্রীষ্টাব্দত প্রকাশিত 'মেখলী’' পত্রিকাত্ত)

আমার মণিপুরী জাতর বিতরে মূল্য নেই, অর্থ নেই এসাদে রীতি নীতি অনেক আগেত ঘরে ঘরে চল ইয়া আহের, যেতার কারণে সমাজহান তুপ তুপ ইয়া মাঙনার পথেদে দিয়া যারগা। আজি কালি সমাজর গিরক আকিগয় ঔ বারাদে মিল্লেং দেনা অকরলা। রীতি নীতি অতার অতই মুল্য নেই যে অতারে কোন নাং দেনা নার। ইমে বর্ণনা করে মাতানি ছাড়া আর পথ নেইল।
আয়ুর্বেদ শাস্ত্রই মাতের , অচেনা মানুয়ে দিয়া খানা-পিনা ঠিক নেই। তাঙর লগে খানা-পিনা, গুমানি বা আরি আগৎ হজক পিনা নাকরের। কিয়া বুল্লে অচেনা মানুর গারিৎ নুয়ারা পানি লুকিয়া থাইতে পারে; অগর লগে খেইলে, গুমিলে তার বা ঔ ঘরর মানুরতা তি ইতে পারে। বিষয় আহান বদলিয়া আমার জাতর বিতরে এমন রূপ আহান নিয়াসে বুল্লে ঔ প্রথা অহান মানানিই আমার জাত নিমুৎ অনার কারণ আহান ইসে।

আমার সমাজে এহান প্রথাহান ইয়া উবা ইল যে কোন মানু আগর জাতকুল, আচার-ব্যবহার, রীতি-নীতি,গারিগর গঠন- গাঠন হাবি হারপিলেও তার লগে লহং করিয়া সাকমাই না বাদিসি পেয়া তার আতর চা, পানি পিনা বা তার লগে আরিগ আগৎ হজক পিনা নাকরের। কিন্তু একেবারে অচেনা আগরে লহং করিয়া তার লগে খানা-পিনা গুমানি একরের। আবার আকিগ আছি লহং করিয়া সাকমাই বাদিয়া আড়ি আগৎ হজক পিতারা কিন্তু অগই সকলে নাখেইতারা। এসাদে আরাক হাস্যকর প্রথা আহার চল আছে যে Ñ গাঙরতায় ঘর আকিগরে কোন কোন সভাত পানা পেয়া নাদায়তারা কিন্তু খানার সময় লাইনহার মুঙহাত বহিলেউ আপত্তি নাথইতারা। নানা পরবে একলগে সকাসকি করিয়া খেইলে কোন দোষ নেই কিন্তু নিজর ঘরে সকাসকি দিয়া খেইলে খানাহান মাঙ অর। এসাদে প্রথার পিসে শাস্ত্রীয় বা যুক্তিসঙ্গত কোন কারণ আছেথাং? সমাজর গিরি-গিথানিয়ে এসাদে প্রথার হবা হবানেই দিক আলোচনা করানি না থকিসিলতা ? সেংমাং না মানতারা আর জাতর মানুয়ে হঙ্করতারা মিষ্টান্ন খেইতে কোন আপত্তি নেই, কিন্তু স্বধর্মী, স্বজাতি আগর হঙ্করা খাওন খানা নাকরের। এসাদে যুক্তি নেই রীতি নীতির চল সমাজর যে কতি তি করের অতা মাতিয়া লম নার। এসাদে হুর্কা চিন্তা ভাবনা অতা সমাজে এক নানির কা কাম করের। এসাদে যুক্তি নেই আচার ব্যবহারর কারণে আজি আগই আগরে জাতে তলপা নিঙ্করতারা। নিজরগ বুলিয়া মানিয়া নে নুয়ারতারা। আজি মৈতৈ সম্প্রদায় বিষ্ণুপ্রিয়া সম্প্রদায়রে, বিষ্ণুপ্রিয়া সম্প্রদায় মৈতৈ সম্প্রদায়রে, রাজার গাঙে মাদয় গাঙরে, মাদয় গাঙে রাজার গাঙরে, জাতে তল বুলিয়া নিঙ্করতারা। কোন সম্প্রদায়র হবা বংশর নিঙল আগরে অন্য সম্প্র্রদায়রাং লহং দেনা লাসহান নিঙ্করতারা। কিন্তু অহাত্ত হবা নেই নিজর সম্প্রদায়র কন্যা আনিয়া নিজরে মুক্তি দেনা চেইতারা।
সমাজর হে দাঙরিয়া গিরি গিথানি, কানার সাদে তাপ্প তাপ্প সালনির সময় আরতা নেই। নিজরে খাল্করানি, ভুল শুদরানির দিন আহিল। আপনা আসি হজাক অই। এসাদে যুক্তি নেই, ভিত্তি নেই আচার-ব্যবহার, প্রথার সংস্কার করানির কাজে মন দেই। এরে যুগ অহাৎ বিশ্বর লগে তালমিলিয়া চলে নুয়ারলে মণিপুরী জাতি এহান ভারত ইতিহাসর পাতাত্ত মাঙো যিতইগা। এহাত কোন সন্দেহ নেই। আপনা আসির কারণে আমার জাতর মন মন্দিরেত এসাদে হুর্কা চিন্তা ভাবনা যতই থেইতে থাইতই, সমাজে এক অনার ভাব অহান অতই বপিতে থাইতই। সমাজহান রাহুর দশাহাত্ত উন্নতির মিঙালনো মুক্তি পেইতই।

আপনা আসিয়ে হারপাস, বর্তমান যুগে এক ইলেই পাংকাল। যদি মৈতৈ বার বিষ্ণুপ্রিয়া সম্প্রদায় দ্বিয়হানি এক অনা পাররাং অতাইলে কাছাড়র লোকেল বোর্ডে বা আসাম পরিষদে আগর বেশি প্রতিনিধি থনা জানেউ হিন নাপেইবাং বার তাঙর পাংলাকন জাতীয় দাবি দাওয়া আদায় করতে ব্যর্থ নাইবাং। আশা থউরি দ্বিয় সম্প্রদায়র ডাঙরিয়া গিরি গিথানিয়ে এরে বিষয় অহান খালকরতাই। এহান ইলে মুঙেদে যে নির্বাচন ইতই অতার কাজে এপাগাত কাম করতে দ্বিধা নাকরিয়।



* ইকরা লেখা অহান আজিত্ব ৭০ বছর আগে ‘মেখলী’ পত্রিকাত (বসন্ত, গ্রীস্ম ও বর্ষা, ১৩৪৬-৪৭ বাংলা, ১৯৩৯ খ্রীঃ ) প্রকাশ পাসিল। মুল বাংলাত্ত বি.ম. ঠারে রূপান্তর: অঞ্জন সিংহ

লেজ টুপ্পা য়ারি দুহান

(১)

লেইরা বাপক মালকর জিপুত দুগ। জেঠা অগর নাংহান বেঙ, খুলা অগর নাংহান করবেঙ। দ্বগিয়ই লেরিক তামকরতারা। ঘরে টেবিল আগ আছে, চিয়ার নেই। লেইরাপা বাপক হিন-দুকর মাজেউ চেয়ার আহান লুয়া আনল। কম দামে লুয়াসে চিয়ারহান পাং সুবিধাউ নাইসে। আনানির পরে কুংগ চিয়ারহাত বহানি এহান্ন পিতক দ্বগিয়ে ফক্করা ফক্করি দেনা অকরলা। চেয়ারহান্ন উসুলা উসুলি করতেগা পায়া চাইরোগি তুপিয়া গেলগা। মালকে দারৌর অভাব থানায় বাগা পায়াগি লেইরাঙে বরিয়া ভাতগি ফুতকরলি। আরাক আহান লনার আগে বাপকে লুয়াসিল চিয়ারহান হরিবল করে বেল্লা বেঙে করবেঙে। চিয়ারহান সুমসি করানিয়ে বেঙ করবেঙ দ্বগিয়েই আগের অসারে মাটিহাত বয়া লেরিক চানা অকরলা। চিয়ারহান নেই থাংতে চিয়ারম্যান অনার কাজে দ্বিয়ো বেইবুনির মারামারিয়ৌ নেই। চিয়ারহান পেয়া তি না মি বহানি বুলতে পাসিলা চিয়ারহানৌ হরিবল ইল। পাংকাল নেই বাপক আকসাদে আরতা দুহান চিয়ার লুয়া নুয়ারলো। বেঙ করবেঙর লেজ টুপ্পা য়ারিহান এহাতই লমিল।



(২)

আরাক লেজ টুপ্পা য়ারি আহানর অকরানি এসাদে। খাংদা আকদিন ফোন করল আনন্দদাই। মাতল, তোর লগে ডাঙর কাম আহান আছে। অতার পরে পদ্মাসন কাকায়ৌ ফোন করল। মাতল, ভানুগাছে যানা লাগতই। দ্বগিয়ই বয়সে জেঠ বার সমাজর নেতাগি হানতে না নাবুল্লু। পদ্মাসন কাকার গাড়িহান্ন পয়লাকা নগরে বার পিছে ভানুবিলে গেলাংগা। আনন্দদার লগে নগরেত আবীর কাকাউ গাড়িহাত কাহিল। গাড়িহাত কাহিলেউ কিতা ইবো তাম্ফাগোর মন্ত্রণালয়ত ফৌকরে নুয়ারলগা। অরগর মাহিয়ে থেতকরিয়া ভানুবিলে গাড়িহানরে যানা নাতলা। পিসে গাড়িহান থয়া দ্বিগল দ্বিগল কাকেই কারিয়া তাম্ফাগোর মন্ত্রণালয়ত কাহিলাংগা।
এহান বাক্কা কত বছর আগর য়ারিহান। পদ্মাসন কাকা সমাজ কল্যাণে পয়লা কিস্তি সভাপতিগো অনার কতদিন পরে।
ঔবাকা তাম্ফাগ কাকাই মোরে জবর বাহানা পেইল, এলাউ করল। পিসেদে করলু কার্যকলাপে এবাকা বাহানা পারনা আল্লিপার মাতে নারলু। তাম্ফাগ কাকার ঘরে ফৌয়ানিয়ে কাকিয়ে জামির সিরিয়া আনলগা। চিনিয়ে, নুনে পানিত লেইকরিয়া শরবত দিল শিউলিয়ে। শরবত পিয়া চুমিয়া গেলাংগা খা লেকির রন বিনিরাং। অহাত্ত বার আহিলাং তাম্ফাগ কাকার ঘরে। এহাত বহিয়া দূত দিয়াবেথিয়া ডাখানি ইল বাবুসেনা বিনিরে। পদ্মাসন, আনন্দ, তাম্ফাগরে সম্মান করের বাবুসেনা বার মি হালাকগ বুলিয়া আলাদা অধিকার থয়া চলুরি। অহানেতে তা অদিন জবর দিগল ইয়া নুয়ারল। হাবিয়ে জাতাপিতা করিয়া য়ারিহান বাট্টি করলাং। কাদার কৃষ্ণ কুমার কাকায়ৌ অদিনকার য়ারিহান হুনল।
পাকরেকুরা গিরি গিথানি, কিহান ইসিলহান অদিন। কিয়া আটলাংগা দিগল পথ ভানুবিলর মাটিত ? উদ্দেশ্যহান আকহান, আমার বিতরর য়ারৌ, কৌলি বাগানি। আমারতাই আমি না লাগানি। দীননাথ গিরকে হংকরিয়া গিয়াসেগা সমাজকল্যানর চিয়ারহানল সমাজহান দ্বিকরত নানি। চিয়ারহানর চিয়ারম্যান অনা মনেইতে চিয়ারহানৌ সুমসি নানি। পদ্মাসন সভাপতিগ অনাই ভানুবিলেত প্রতিবাদ দিয়াছিলা উপজেলা প্রশাসনে। পিসে ঔ প্রতিবাদ অহান তুলিয়া আনানিয়ে জিগ না লাগিল। ঔ পুরানা বিষয় অহান এমতাগাউ নুয়া করে ঘটিল। এমতাগা বাবুসেনায় নাবে, এ্যাড: রামকান্তদাই প্রতিবাদ করিছে। বিষয় এহান্ন আহিব দিনেউ আরাক কুংগয়ৌ প্রতিবাদ করতেউ পারে। রামকান্তদা ডালুয়ার মানুগ, মিয়ৌ ডালুয়ারগ। আত্মীয়তা বিসারলে আমার সাকেইগ। নগরর দয়াময় সিংহর বংশহানর মারি আকেইহাস। অতায়া কুংগৌ কার শত্র“ নাবে। পদ্মাসন-রামকান্তই বিষয় এহান্ন লাগিসি সময় অহাত সমাজর কতগই দ্বিয়গিরে ইথৌ দিয়া যিতারাগা। বুকগত পাথারি নায়া যন্ন জি ঠেলিতারা। এহানে তাঙি দ্বগিরতা লাভ অরনা কিতা কিগই জানে। কিন্তুমান সমাজ কল্যাণরতা লাভ নাইব। সমাজরতাউ লাভ নাইব। চিয়ারহান আসে করে উসুলা উসুলি কররাং, নেইলেতে ?
যেগউ যেতাউ করিয়া থাই। ঘরে ঘরে সভাপতি ইলেউ অই। হুদ্দা স্বর্গীয় দীননাথে থয়া গিয়াসেগা চিয়ারহান না বাগেদিও। চিয়ারহান্ন সমস্যা ইলে বেঙ করবেঙর সাদে মাটিহাত বহিয়া লেরিক চেই। কৌলি লাগানি মনেইলে চিয়ারহান এরাদিয়া ফক্করা ফক্কারি দেই, Ñ সাজারাঙে হমাদিয়া মাতুরি।


লেখক : সংগ্রাম সিংহ, সম্পাদক, ইথাক।